อนฺตชาตกํ

อุสภสฺเสว เต ขนฺโธติ อิทํ สตฺถา เชตวเน วิหรนฺโต เตเยว เทฺว ชเน อารพฺภ กเถสิ ฯ ปจฺจุปฺปนฺนวตฺถุ ปุริมสทิสเมว ฯ

อตีเต พาราณสิยํ พฺรหฺมทตฺเต รชฺชํ กาเรนฺเต โพธิสตฺโต เอกสฺมึ คามุปจาเร เอรณฺฑรุกฺขเทวตา หุตฺวา นิพฺพตฺติ ฯ ตทา ตสฺมึ คาเม มตํ ชรควํ นิกฺกฑฺฒิตฺวา คามทฺวาเร เอรณฺฑวเน ฉฑฺเฑสุํ ฯ เอโก สิคาโล อาคนฺตฺวา ตสฺส มํสํ ขาทิ ฯ เอโก กาโก อาคนฺตฺวา เอรณฺเฑ นิสินฺโน ๑- ตํ ทิสฺวา ยนฺนูนาหํ เอตสฺส

อภูตคุณกถํ กเถตฺวา มํสํ ขาเทยฺยนฺติ จินฺเตตฺวา ปฐมํ คาถมาห