อิติ โส ปริเทวนฺโตว ปฐวึ ปวิสิตฺวา อวีจิมหานิรเย นิพฺพตฺติ ฯ

สตฺถา น ภิกฺขเว อิทาเนว เทวทตฺโต กกฺขโฬ ผรุโส, ปุพฺเพปิ กกฺขโฬ ผรุโส นิกฺการุณิโก เยวาติ วตฺวา อิมํ ธมฺมเทสนํ อาหริตฺวา ชาตกํ สโมธาเนสิ ฯ ตทา ลุทฺทกปุริโส เทวทตฺโต อโหสิ, ทิสาปาโมกฺโข อาจริโย สาริปุตฺโต, จุลฺลนนฺทิโย อานนฺโท, มาตา มหาปชาปตี โคตมี, มหานนฺทิโย ปน อหเมวาติ ฯ

จุลฺลนนฺทิยชาตกํ ทุติยํ ฯ