ตาตาติ ปุตฺโต วทมาโน กมฺเปติ หทยํ ปิตุ

หทยสฺส สทิสี วาจา หทยํ สมฺม ททามิ เตติ ฯ

เอวญฺจ ปน วตฺวา หทยมํเสน สทฺธึ มธุรมํสํ อุกฺขิปิตฺวา อทาสิ ฯ ตํ จตุตฺโถ เสฏฺฐิปุตฺโต กินฺติ วตฺวา ยาจสีติ ปุจฺฉิ ฯ โส ตาตาติ วตฺวาติ ฯ โส อหมฺปิ นํ ยาจิสฺสามีติ วตฺวา คนฺตฺวา สหาย มํสขณฺฑํ เม เทหีติ อาห ฯ ลุทฺโท ตว วจนานุรูปํ ลภิสฺสสีติ วตฺวา จตุตฺถํ คาถมาห

ยสฺส คาเม สขา นตฺถิ ยถารญฺญํ ตเถว ตํ