อาสํ นิราสํ กตฺวาน สุขํ สุปติ ปิงฺคลาติ ฯ

ตตฺถ ผลวตีติ ยสฺสา อาสาย ผลํ ลทฺธํ โหติ สา ตสฺส ผลสฺส สุขตาย สุขา นาม ฯ นิราสํ กตฺวา อนาสํ กตฺวา ฉินฺทิตฺวา ปชหิตฺวาติ อตฺโถ ฯ ปิงฺคลาติ เอสา ปิงฺคลทาสี อิทานิ สุขํ สุปตีติ ฯ

โสปุน ทิวเส ตโต คามา อรญฺญํ ปวิสนฺโต อรญฺเญ เอกํ ตาปสํ ฌานํ อปฺเปตฺวา นิสินฺนํ ทิสฺวา อิธโลเก จ ปรโลเก จ ฌานสุขโต อุตฺตริตรํ สุขํ นตฺถีติ จินฺเตตฺวา จตุตฺถํ คาถมาห

น สมาธิปโร อตฺถิ อสฺมึ โลเก ปรมฺหิ จ