ตายปิ สปถํ กตฺวา เอกมนฺตํ ฐิตาย ตติยา ตติยํ คาถมาห

ทีฆํ คจฺฉตุ อทฺธานํ เอกิกา อภิสาริยา

สงฺเกเต ปติ มาทฺทส ยา เต อมฺเพ อวาหรีติ ฯ

ตสฺสตฺโถ ยา เต อมฺเพ อวาหริ สา ปตึ ปฏฺฐยมานา ตสฺส สนฺติเก อภิสรณตาย อภิสาริยา นาม หุตฺวา เอกิกา อทุติยา คาวุตทฺวิคาวุตมตฺตํ ทีฆมทฺธานํ คจฺฉตุ คนฺตฺวาปิ จ ตสฺมึ อสุกฏฺฐานํ นาม อาคจฺเฉยฺยาสีติ กเต สงฺเกเต ตํ ปตึ มา อทฺทสาติ ฯ