๙ อายาจิตภตฺตชาตกํ

สเจ มุญฺเจติ อิทํ สตฺถา เชตวเน วิหรนฺโต เทวตานํ อายาจนพลิกมฺมํ อารพฺภ กเถสิ ฯ

ตทา กิร มนุสฺสา วณิชฺชาย คจฺฉนฺตา ปาเณ วธิตฺวา เทวตานํ พลิกมฺมํ กตฺวา มยํ อนนฺตราเยน อตฺถสิทฺธึ ปตฺวา อาคนฺตฺวา ปุน ตุมฺหากํ พลิกมฺมํ กริสฺสามาติ อายาจิตฺวา คจฺฉนฺติ ฯ ตตฺถ อนนฺตราเยน อตฺถสิทฺธึ ปตฺวา อาคนฺตฺวา เทวตานุภาเวน อิทํ ชาตนฺติ มญฺญมานา พหู ปาเณ วธิตฺวา อายาจนโต มุจฺจิตุํ พลิกมฺมํ กโรนฺติ ฯ ตํ ทิสฺวา ภิกฺขู อตฺถิ นุ โข ภนฺเต เอตฺถ อตฺโถติ ภควนฺตํ ปุจฺฉึสุ ฯ ภควา อตีตํ อาหริ ฯ

อตีเต กาสิรฏฺเฐ เอกสฺมึ คามเก เอโก กุฏุมฺพิโก คามทฺวาเร ฐิเต นิโคฺรธรุกฺเข อธิวตฺถาย เทวตาย พลิกมฺมํ ปฏิชานิตฺวา อนนฺตราเยน อาคนฺตฺวา พหู ปาเณ วธิตฺวา อายาจนโต มุจฺจิสฺสามีติ รุกฺขมูลํ คโต ฯ รุกฺขเทวตา ขนฺธวิฏเป ฐตฺวา อิทํ คาถมาห