สาธุ โข ปณฺฑิโต นาม น เตฺวว อติปณฺฑิโต

อติปณฺฑิเตน ปุตฺเตน ปนมฺหิ อุปกุฏฺฐิโตติ ฯ

ตตฺถ สาธุ โข ปณฺฑิโต นามาติ อิมสฺมึ โลเก ปณฺฑิจฺเจน สมนฺนาคโต การณาการณํ ญตฺวา ปุคฺคโล สาธุ โสภโน ฯ อติปณฺฑิโตติ นามมตฺเตน อติปณฺฑิโต กูฏปุริโส น เตฺวว วรํ ฯ ปนมฺหิ อุปกุฏฺฐิโตติ โถเกนมฺหิ ฌาโม อฑฺฒชฺฌามโตว มุตฺโตติ อตฺโถ ฯ

เต อุโภปิ มชฺเฌ ภินฺทิตฺวา สมํเยว โกฏฺฐาสํ คณฺหิตฺวา ยถากมฺมํ คตา ฯ