พหุมฺเปตํ วเน กฏฺฐํ วาโต ภญฺชติ ทุพฺพลํ

ตสฺส เจ ภายสิ นาค กีโส นูน ภวิสฺสสีติ ฯ

ตตฺถ อยํ ปิณฺฑตฺโถ ยํ เอตํ ทุพฺพลํ กฏฺฐํ ปุรตฺถิมาทิเภโท วาโต ภญฺชติ ตํ อิมสฺมึ วเน พหุํ สุลภํ ตตฺถ ตตฺถ วิชฺชติ สเจ ตฺวํ ตสฺส ภายสิ เอวํ สนฺเต นิจฺจํ ภีโต มํสโลหิตกฺขยํ ปตฺวา กีโส นูน ภวิสฺสสิ อิมสฺมึ ปน วเน ตว ภยํ นาม นตฺถิ ตสฺมา อิโต ปฏฺฐาย มา ภายีติ ฯ

เอวํ เทวตา ตสฺส โอวาทํ อทาสิ ฯ โสปิ ตโต ปฏฺฐาย นิพฺภโย อโหสิ ฯ