สิกฺเขยฺย สิกฺขิตพฺพานิ สนฺติ สจฺฉนฺทิโน ชนา

พาหิยาปิ สุหนฺเนน ราชานํ อภิราธยีติ ฯ

ตตฺถ สนฺติ สจฺฉนฺทิโนติ เตสุ สิปฺเปสุ สจฺฉนฺทา ชนา อตฺถิเยว ฯ พาหิยาติ พาหิยชนปเท ชาตา สํวฑฺฒา อิตฺถี ฯ สุหนฺเนนาติ หิโรตฺตปฺปํ อปฺปหาย ปฏิจฺฉนฺนากาเรน หนฺนํ สุหนฺนนฺนาม ฯ เตน สุหนฺเนน ฯ ราชานํ อภิราธยีติ เทวํ อภิราธยิตฺวา อิมํ สมฺปตฺตึ ปตฺตาติ ฯ

เอวํ มหาสตฺโต สิกฺขิตพฺพยุตฺตกานํ สิปฺปานํ คุณํ กเถสิ ฯ