สทฺทหาสิ สิคาลสฺส สุราปีตสฺส พฺราหฺมณ

สิปฺปิกานํ สตํ นตฺถิ กุโต กํสสตา ทุเวติ ฯ

ตตฺถ สทฺทหาสีติ สทฺทหสิ ฯ อยเมว วา ปาโฐ ฯ ปตฺติยายสีติ อตฺโถ ฯ สิปฺปิกานํ สตํ นตฺถีติ เอตสฺส หิ สิปฺปิกานํ สตมฺปิ นตฺถิ ฯ กุโต กํสสตา ทุเวติ เทฺว กหาปณสตานิ ปนสฺส กุโตเยวาติ ฯ

โพธิสตฺโต อิมํ คาถํ วตฺวา คจฺฉ พฺราหฺมณ ตว สาฏกํ โธวิตฺวา นฺหายิตฺวา อตฺตโน กมฺมํ กโรหีติ วตฺวา อนฺตรธายิ ฯ พฺราหฺมโณ ตถา กตฺวา วญฺจิโต วตมฺหิ อิมินาติ โทมนสฺสปฺปตฺโต ปกฺกามิ ฯ