อจฺจุคฺคตา อติพลตา อติเวลํ ปภาสิตา

วาจา หนติ ทุมฺเมธํ ติตฺติรํวาติวสฺสิตนฺติ ฯ

ตตฺถ อจฺจุคฺคตาติ อติอุคฺคตา ฯ อติพลตาติ ปุนปฺปุนํ ภาสมาเนน อติพลสภาวา ฯ อติเวลํ ปภาสิตาติ อติกฺกนฺตเวลา ปมาณาติกฺกเมน ภาสิตา ฯ ติตฺติรํวาติวสฺสิตนฺติ ยถา ติตฺติรํ อติวสฺสิตํ หนติ ตถา เอวรูปา วาจา ทุมฺเมธํ พาลปุคฺคลํ หนตีติ ฯ

เอวํ โพธิสตฺโต อิสิคณสฺส โอวาทํ ทตฺวา จตฺตาโร พฺรหฺมวิหาเร ภาเวตฺวา พฺรหฺมโลกปรายโน อโหสิ ฯ