อุจฺเจ วิฏภิมารุยฺห มนฺตยวฺโห รโหคตา,

นีเจ โอรุยฺห มนฺตยวฺโห, มิคราชาปิ โสสฺสตีติ ฯ

ตตฺถ อุจฺเจ วิฏภิมารุยฺหาติ ปกติยาปิ อุจฺเจ อิมสฺมึ รุกฺเข อุจฺจตรํ เอกวิฏปํ อภิรูหิตฺวา ฯ มนฺตยวฺโหติ มนฺเตถ กเถถ ฯ นีเจ โอรุยฺหาติ โอตริตฺวา นีเจ ฐาเน ฐตฺวา มนฺตยิตฺถ ฯ มิคราชาปิ โสสฺสตีติ อตฺตานํ มิคราชานํ กตฺวา อาห ฯ

หํสโปตกา ชิคุจฺฉิตฺวา อุฏฺฐาย จิตฺตกูฏเมว คตา ฯ เตสํ คตกาเล โพธิสตฺโต สิคาลสฺส ทุติยคาถมาห