Satthā imaṃ kāraṇaṃ dassetvā yathā bhikkhu te cattāro bhātikā vibhāgaṃ katvā apucchitattā kiṃsuke kaṅkhaṃ uppādesuṃ, evaṃ tvampi imasmiṃ dhamme kaṅkhaṃ uppādesīti vatvā abhisambuddho hutvā dutiyaṃ gāthamāha

evaṃ sabbehi ñāṇehi yesaṃ dhammā ajānitā,

te ve dhammesu kaṅkhanti kiṃsukasmiṃva bhātaroti.

Tassattho yathā te bhātaro sabbesu ṭhānesu kiṃsukassa adiṭṭhattā Kaṅkhiṃsu, evaṃ sabbehi vipassanāñāṇehi yesaṃ sabbe chaphassāyatanak- khandhabhūtadhātubhedā dhammā ajānitā sotāpattimaggassa anadhigatattā appaṭividdhā, teneva tesu chaphassāyatanādidhammesu kaṅkhanti, yathā ekasmiññeva kiṃsukasmiṃ cattāro bhātaroti.