Vāti cāyaṃ tato gandho yattha me vasatī piyā

dūre ito hi kākāti yattha me nirato manoti.

Tattha gandhoti tassā dibbagandhavilittāya sarīragandho. Yattha meti yattha supaṇṇabhavane mama piyā vasati tato iminā saddhiṃ katakāyasaṃsaggāya tassā imassa kāyena saddhiṃ āgato gandho vāyatīti adhippāyo. Dūre itoti imamhā ṭhānā dūre. Hikāro nipātamatto. Kākātīti kākātidevī. Yattha meti yassā upari me mano nirato ratto.

Taṃ sutvā supaṇṇarājā dutiyaṃ gāthamāha