Taṃ sutvā tassa vacanaṃ aggaṇhantī palāsadevatā dutiyaṃ gāthamāha

vaḍḍhitameva nigrodhaṃ patiṭṭhassa bhavāmahaṃ

yathā pitā ca mātā ca evameso bhavissatīti.

Tassattho samma na tvaṃ jānāsi vaḍḍhakāle me esa ahamassa yathā bālakāle puttānaṃ mātāpitaro patiṭṭhā honti tathā bhavissāmi yathā pana saṃvaḍḍhā puttā pacchā mahallakakāle mātāpitūnaṃ patiṭṭhā honti mayhampi pacchā mahallakakāle evameso patiṭṭhā bhavissatīti.