yo vābhonto saṅkati kañcidevāti.

Tattha bhontoti ālapanaṃ idaṃ vuttaṃ hoti bhavanto yo anaṭṭhe koṭṭhāse naṭṭhamevāti vadati yo vā tumhesu kañci āsaṅkati so pañcakāmaguṇe labhatuceva bhuñjatu ca ramaṇīyameva pabbajjaṃ alabhitvā agāramajjheyeva maratūti.

Isīhi pana sapathe kate sakko bhāyitvā ahaṃ imepi vīmaṃsanto bhiṃsāni antaradhāpesiṃ ime chaḍḍitakhelapiṇḍaṃviya kāme garahantā sapathaṃ karonti kāmaguṇagarahakāraṇaṃ te pucchissāmīti cintetvā dissamānarūpo bodhisattaṃ vanditvā pucchanto anantaraṃ gāthamāha

yadesamānā vicaranti loke