[๑๑๕๕] องฺคารชาตา ปฐวี กุกฺกุลานุคตา มหี อถ คายสิ วตฺตานิ น ตํ ตปติ อาตโป ฯ อุทฺธํ ตปติ อาทิจฺโจ อโธ ตปติ วาลุกา อถ คายสิ วตฺตานิ น ตํ ตปติ อาตโป ฯ

[๑๑๕๖] น มํ ตปติ อาตโป อาตปฺปา ตปยนฺติ มํ อตฺถา หิ วิวิธา ราช เต ตปนฺติ น อาตโป ฯ

[๑๑๕๗] อทฺทสํ กาม เต มูลํ สงฺกปฺปา กาม ชายสิ น ตํ สงฺกปฺปยิสฺสามิ เอวํ กาม น เหหิสิ ฯ

[๑๑๕๘] อปฺปาปิ กามา น อลํ พหูหิปิ น ตปฺปติ อโห พาลานลปนา ๓ ปฏิวชฺเชถ ๔ ชคฺคโต ฯ #๑ ยุ. สุรินีเตน ฯ ๒ ม. เมทินินฺติ ฯ ๓ สี. ม. อหหา พาลลปนา ฯ #๔ ม. ปริวชฺเชถ สี. ยุ. ปฏิวิชฺเฌถ ฯ