Iti soṇakapaccekabuddho aṭṭha samaṇabhadrakāni kathesi. Tato uttariṃ pana satampi sahassampi aparimāṇāni samaṇabhadrakāni esa kathetuṃ samatthoyeva. Rājā pana kāmābhiratattā tassa kathaṃ pacchinditvā mayhaṃ samaṇabhadrakehi attho natthīti attano kāmādhimuttattaṃ pakāsento āha

bahūni samaṇabhadrāni yo tvaṃ bhikkhu pasaṃsati

ahañca giddho kāmesu kathaṃ kāhāmi soṇaka.

Piyā me mānusā kāmā atho dibyāpi me piyā