chindajja kaṅkhaṃ vicikicchitāni

tayajja kaṅkhaṃ vitaremu sabbeti

tattha kattāranti kattabbayuttakaṃ kāraṇākāraṇaṃ jānanasamatthaṃ tuvaṃ. Viggaho atthi jātoti eko sīlaviggaho sīlavivādo uppanno atthi. Chindajjāti amhākaṃ taṃ kaṅkhaṃ tāni vicikicchitāni vajirena sineruṃ paharanto viya sakko ajja chinda. Vitaremūti vitareyyāma.

Atha paṇḍito tesaṃ vacanaṃ sutvā mahārāja tumhākaṃ sīlaṃ nissāya uppannā vivādakathā kathaṃ dukkathitaṃ sukathitaṃ vā jānissāmīti vatvā imaṃ gāthamāha