yāva āmantaye ñātī mitte ca suhadajjane

anāmantaṃ katakammaṃ taṃ pacchā anutappatīti.

Tattha yāva āmantayeti bho yakkhasenāpati ahaṃ tuyhaṃ dhītaraṃ demi no na demi thokaṃ pana āgamehi yāva āmantaye ñātīti ñātakepi yāva jānāpemi. Taṃ pacchā anutappatīti itthiyo hi gatagataṭṭhāne abhiramantipi nābhiramantipi anabhiratikāle ñātakādayo amhehi saddhiṃ anāmantetvā kataṃ kammaṃ nāma evarūpaṃ hotīti ussukkaṃ na karonti evantaṃ kammaṃ pacchā anutāpaṃ āvahatīti vadati.

Tato so varuṇo nāgo pavisitvā nivesanaṃ