adhammarūpo vata rājaseṭṭho

subhāsitaṃ nānujānāsi mayhanti.

Tattha rājaseṭṭhoti ayaṃ rājaseṭuṭho adhammarūpo vata. Subhāsitanti vidhurapaṇḍitena sukathitaṃ suvinicchitaṃ. Nānujānāsi mayhanti idāneva vidhurapaṇḍitaṃ mayhaṃ kasmā nānujānāsi kimatthaṃ na desīti vadati.

Taṃ sutvā rājā ayaṃ paṇḍito mādisaṃ yasadāyakaṃ anoloketvā idāni diṭṭhaṃ māṇavakaṃ olokesīti mahāsattassa kujjhitvā māṇava sace so dāso taṃ gahetvā gacchathāti gāthamāha