dinnohamasmi tava issarena

tīhañca taṃ vāsayemu agāre

yenaddhunā anusāsemu puttadāreti

tattha tayāhamasmīti tayā laddhohamasmīti ahaṃ jānāmi maṃ labhantena ca nāññathā laddho. Dinnohamasmi tava issarenāti mama issarena raññā tava ahaṃ dinno. Tīhañcāti māṇava ahaṃ tava bahūpakāro rājānaṃ anoloketvā saccameva kathesiṃ tenāhaṃ tayā laddho tvaṃ mama mahantabhāvaṃ jānāhi mayaṃ tīṇi divasāni attano agāre vasemu tasmā tvaṃ yenaddhunā yattakena kālena mayaṃ puttadāre Anusāsemu taṃ kālaṃ adhivāsehīti.