Imaṃ panassa kathaṃ sutvā puttadhītaro ca ñātisuhajjā ca dāsakammakaraporisā ca te sabbe sakabhāvena saṇṭhāretuṃ asakkontā mahāviraviṃsu. Mahāsatto te saññāpesi.

Lakkhakaṇḍaṃ niṭṭhitaṃ.

Atha ne paṇḍito puttadhītaro ca ñātayo ca naṃ upagantvā tuṇhībhūte disvā tātā mā cintayittha mā socittha mā paridevittha sabbe saṃkhārā aniccā adhuvā vipariṇāmadhammā yaso nāma vipattipariyosāno apica tumhākaṃ rājavasatiṃ nāma yasapaṭilābhakāraṇaṃ kathessāmi taṃ ekaggacittā suṇāthāti āha. So buddhalīlāya rājavasatiṃ nāma paṭṭhapesi.

Tamatthaṃ pakāsento satthā āha