Satthā imaṃ dhammadesanaṃ āharitvā na bhikkhave idāneva pubbepi tathāgato paññāsampanno upāyakusaloyevāti vatvā saccāni pakāsetvā jātakaṃ samodhānesi. Tadā paṇḍitassa mātāpitaro Mahārājakulāni ahesuṃ tassa jeṭṭhabhariyā rāhulamātā ahosi jeṭṭhaputto rāhulo ahosi vimalā uppalavaṇṇā varuṇanāgarājā sāriputto ahosi supaṇṇarājā moggallāno sakko anuruddho korabyarājā ānando ahosi puṇṇako channo manomayasindhavo kaṇṭhassarājā sesaparisā buddhaparisā vidhurapaṇḍito pana ahameva sammāsambuddhoti.

Vidhurajātakaṃ niṭṭhitaṃ.