tato ratyā vivasane suriyassuggamanaṃ pati

samaggā siviyo hutvā raṭṭhā pabbajayantu tanti.

Tattha vasatūti so puttadārassa ovādaṃ dadamāno vasatu ekarattimassa okāsaṃ dethāti vadati.

Te ekarattimattaṃ vasatūti rañño vacanaṃ sampaṭicachiṃsu. Atha ne nāgare rājā uyyojetvā puttassa sāsanaṃ pesento kattāraṃ āmantetvā tassa santikaṃ pesesi. So sādhūti sampaṭicchitvā vessantarassa nivesanaṃ gantvā taṃ pavuttiṃ ārocesi.