Tattha diṭṭhinti hirī nāma mahāguṇā ariyapūjitāti diṭṭhiṃ. Odahīti hadaye pavesesi. Seṭṭhasammatāti tava santike sudhāya laddhakālato paṭṭhāya indassa santike kañcanasenāsanaṃ labhitvā sabbadevatāhi pūjiyamānā uttamasammatā jāyathāti.

Evaṃ tasmiṃ kathenteyeva kosiyassa taṃ khaṇaññeva nassanadhammo jāto. Atha naṃ mātali kosiya āyusaṅkhāro te ossaṭṭho cavanadhammopi te sampatto kiṃ te manussalokena devalokaṃ gacchāmāti tattha netukāmo hutvā gāthamāha

handehi dāni tidivaṃ apakkama

rathaṃ samāruyha mamāyitaṃ idaṃ