สิกขาบทที่ ๓ เรื่องภิกษุณี ๒ รูป

Tena samayena buddho bhagavā sāvatthiyaṃ viharati jetavane anāthapiṇḍikassa ārāme . tena kho pana samayena dve bhikkhuniyo anabhiratiyā pīḷitā ovarakaṃ pavisitvā talaghātakaṃ karonti . Bhikkhuniyo tena saddena upadhāvitvā tā bhikkhuniyo etadavocuṃ kissa tumhe ayye purisena saddhiṃ padussathāti 1- . na mayaṃ ayye purisena saddhiṃ padussāmāti 2- . bhikkhunīnaṃ etamatthaṃ ārocesuṃ. Yā tā bhikkhuniyo appicchā .pe. tā ujjhāyanti khīyanti vipācenti kathaṃ hi nāma bhikkhuniyo talaghātakaṃ karissantīti .pe. saccaṃ kira bhikkhave bhikkhuniyo talaghātakaṃ karontīti . saccaṃ bhagavāti . vigarahi buddho bhagavā kathaṃ hi nāma bhikkhave bhikkhuniyo talaghātakaṃ karissanti netaṃ bhikkhave appasannānaṃ vā pasādāya .pe. Evañca pana bhikkhave bhikkhuniyo imaṃ sikkhāpadaṃ uddisantu {157.1} talaghātake pācittiyanti. @Footnote: 1 Ma. Yu. sampadussathāti. 2 sampadussāmāti.

Talaghātakaṃ nāma samphassaṃ sādiyantī antamaso uppalapattenapi muttakaraṇe pahāraṃ deti āpatti pācittiyassa.

Anāpatti ābādhappaccayā ummattikāya ādikammikāyāti. --------