สิกขาบทที่ ๑ เรื่องภิกษุณีฉัพพัคคีย์

{978} Cittāgāravaggassa paṭhamasikkhāpade. Rājāgāranti rañño kīḷāgāraṃ. Cittāgāranti kīḷanacittasālaṃ. Ārāmanti kīḷanaupavanaṃ. Uyyānanti kīḷanuyyānaṃ. Pokkharinti kīḷāpokkharaṇiṃ tasmāyeva padabhājane yattha katthaci rañño kīḷituntiādi vuttaṃ. Dassanāya Gacchati āpatti dukkaṭassāti ettha padavāragaṇanāya dukkaṭaṃ. Yattha ṭhitā passatīti ettha pana sace ekasmiṃyeva ṭhāne ṭhitā padaṃ anuddharamānā pañcapi passati ekameva pācittiyaṃ. Taṃ taṃ disābhāgaṃ oloketvā passantiyā pana pāṭekkā āpattiyo. Bhikkhussa pana sabbattha dukkaṭaṃ. {981} Ārāme ṭhitāti ajjhārāme rājāgārādīni karonti tāni passantiyā anāpatti. Gacchantī vā āgacchantī vāti piṇḍapātādīnaṃ atthāya gacchantiyā maggo hoti 1- tāni passati anāpatti. Sati karaṇīye gantvāti rañño santikaṃ kenaci karaṇīyena gantvā passati anāpatti. Āpadāsūti kenaci upaddūtā pavisitvā passati anāpatti. Sesaṃ uttānameva.

Eḷakalomasamuṭṭhānaṃ kiriyā nosaññāvimokkhaṃ acittakaṃ lokavajjaṃ kāyakammaṃ akusalacittaṃ tivedananti.

Paṭhamaṃ.