นิโรธสัจนิทเทส

Tattha katamaṃ dukkhanirodho ariyasaccaṃ yo tassā yeva taṇhāya asesavirāganirodho cāgo paṭinissaggo mutti anālayo sā kho panesā taṇhā kattha pahiyyamānā pahīyati kattha nirujjhamānā nirujjhati yaṃ loke piyarūpaṃ sātarūpaṃ etthesā taṇhā pahiyyamānā pahīyati ettha nirujjhamānā nirujjhati cakkhuṃ loke piyarūpaṃ sātarūpaṃ etthesā taṇhā pahiyyamānā pahīyati ettha nirujjhamānā nirujjhati sotaṃ loke .pe. dhammavicāro loke piyarūpaṃ sātarūpaṃ etthesā taṇhā pahiyyamānā pahīyati ettha nirujjhamānā nirujjhati idaṃ vuccati dukkhanirodho ariyasaccaṃ.