๘. วิปัลลาสกถา

จตฺตาโรเม ภิกฺขเว สญฺญาวิปลฺลาสา จิตฺตวิปลฺลาสา ทิฏฺฐิวิปลฺลาสา กตเม จตฺตาโร อนิจฺเจ ภิกฺขเว นิจฺจนฺติ สญฺญาวิปลฺลาโส จิตฺตวิปลฺลาโส ทิฏฺฐิวิปลฺลาโส ทุกฺเข ภิกฺขเว สุขนฺติ สญฺญาวิปลฺลาโส จิตฺตวิปลฺลาโส ทิฏฺฐิวิปลฺลาโส อนตฺตนิ ภิกฺขเว อตฺตาติ สญฺญาวิปลฺลาโส จิตฺตวิปลฺลาโส ทิฏฺฐิวิปลฺลาโส อสุเภ ภิกฺขเว สุภนฺติ สญฺญาวิปลฺลาโส จิตฺตวิปลฺลาโส ทิฏฺฐิวิปลฺลาโส อิเม โข ภิกฺขเว จตฺตาโร สญฺญาวิปลฺลาสา จิตฺตวิปลฺลาสา ทิฏฺฐิวิปลฺลาสา ฯ

จตฺตาโรเม ภิกฺขเว นสญฺญาวิปลฺลาสา นจิตฺตวิปลฺลาสา นทิฏฺฐวิปลฺลาสา กตเม จตฺตาโร อนิจฺเจ ภิกฺขเว อนิจฺจนฺติ นสญฺญาวิปลฺลาโส นจิตฺตวิปลฺลาโส นทิฏฺฐิวิปลฺลาโส ทุกฺเข ภิกฺขเว ทุกฺขนฺติ นสญฺญาวิปลฺลาโส นจิตฺตวิปลฺลาโส นทิฏฺฐิวิปลฺลาโส อนตฺตนิ ภิกฺขเว อนตฺตาติ นสญฺญาวิปลฺลาโส นจิตฺตวิปลฺลาโส นทิฏฺฐิวิปลฺลาโส อสุเภ ภิกฺขเว อสุภนฺติ นสญฺญาวิปลฺลาโส นจิตฺตวิปลฺลาโส นทิฏฺฐิวิปลฺลาโส อิเม โข ภิกฺขเว จตฺตาโร นสญฺญาวิปลฺลาสา นจิตฺตวิปลฺลาสา นทิฏฺฐิวิปลฺลาสาติ ๒ ฯ #๑ ม. ปุริมนิทานํ ฯ ๒ ยุ. อีติสทฺโท นตฺถิ ฯ อนิจฺเจ นิจฺจสญฺญิโน ทุกฺเข จ สุขสญฺญิโน อนตฺตนิ จ อตฺตสญฺญิโน ๑ อสุเภ จ ๒ สุภสญฺญิโน มิจฺฉาทิฏฺฐิหตา สตฺตา ขิตฺตจิตฺตา วิสญฺญิโน เต โยคยุตฺตา มารสฺส อโยคกฺเขมิโน ชนา ๓ สตฺตา คจฺฉนฺติ สํสารํ ชาติมรณคามิโน ยทา จ พุทฺธา โลกสฺมึ อุปฺปชฺชนฺติ ปภงฺกรา เต อิมํ ธมฺมํ ปกาเสนฺติ ทุกฺขูปสมคามินํ เตสํ สุตฺวาน สปฺปญฺญา สจิตฺตํ ปจฺจลทฺธธ ๔ เต ๕ อนิจฺจํ อนิจฺจโตทกฺขุํ ๖ ทุกฺขมทฺทกฺขุํ ๗ ทุกฺขโต อนตฺตํ จ อนตฺตโต ๘ อสุภํ อสุภตทฺทสุํ สมฺมาทิฏฺฐิสมาทานา สพฺพทุกฺขํ อุปจฺจคุนฺติ ๙ ฯ อิเม จตฺตาโร วิปลฺลาสา ทิฏฺฐิสมฺปนฺนสฺส ปุคฺคลสฺส ปหีนา อปฺปหีนาติ เกจิ ปหีนา เกจิ อปฺปหีนา อนิจฺเจ นิจฺจนฺติ สญฺญาวิปลฺลาโส จิตฺตวิปลฺลาโส ทิฏฺฐิวิปลฺลาโส ปหีโน ทุกฺเข สุขนฺติ สญฺญา อุปฺปชฺชติ จิตฺตํ อุปฺปชฺชติ ทิฏฺฐิวิปลฺลาโส ปหีโน อนตฺตนิ อตฺตาติ สญฺญาวิปลฺลาโส จิตฺตวิปลฺลาโส ทิฏฺฐิวิปลฺลาโส ปหีโน อสุเภ สุภนฺติ สญฺญา อุปฺปชฺชติ จิตฺตํ อุปฺปชฺชติ ทิฏฺฐิวิปลฺลาโส ปหีโน ทฺวีสุ วตฺถูสุ ฉ วิปลฺลาสา #๑ ม. ยุ. อตฺตาติ ฯ ๒ ม. ยุ. จสทฺโท นตฺถิ ฯ ๓ สี. อโยคกฺเขมสฺส คามิโน ฯ #ยุ. อโยคกฺเขมคามิโน ฯ ๔ ม. ปจฺจลทฺธุ ฯ ๕ สี. สจิตฺตา ลพฺพเก ฯ ๖ สี. จกฺขุํ ฯ #๗ ม. ทุกฺขมทฺทกฺขุ ฯ ๘ ม. ยุ. อนตฺตนิ อนตฺตาติ ฯ ๙ สี. อุปชฺชคนฺติ ฯ ปหีนา ทฺวีสุ วตฺถูสุ เทฺว วิปลฺลาสา ปหีนา จตฺตาโร วิปลฺลาสา อปฺปหีนา จ ๑ จตูสุ วตฺถูสุ อฏฺฐ วิปลฺลาสา ปหีนา จตฺตาโร วิปลฺลาสา อปฺปหีนาติ ฯ วิปลฺลาสกถา [๒] ฯ _______________ มหาวคฺเค มคฺคกถา