๓. โพชฌงคกถา

TIPITAKA Volume 31 : PALI ROMAN Sutta Pitaka Vol 23 : Sutta. Khu. Paṭisambhidāmaggo Yuganaddhavagge bojjhaṅgakathā sāvatthīnidānaṃ

[557] Sattime bhikkhave bojjhaṅgā katame satta satisambojjhaṅgo @Footnote: 1-4 Ma. siyā. 2-5 Ma. siyā samudayasaccaṃ. 3 Ma. jāti siyā dukkhasaccanti @ime tayo pāṭhā na dissanti. Sambojjhaṅgo dhammavicayasambojjhaṅgo viriyasambojjhaṅgo pītisambojjhaṅgo passaddhisambojjhaṅgo samādhisambojjhaṅgo upekkhāsambojjhaṅgo ime kho bhikkhave satta bojjhaṅgā. {557.1} Bojjhaṅgāti kenatthena bojjhaṅgā . bodhiyaṃ 1- saṃvattantīti bojjhaṅgā bujjhantīti bojjhaṅgā anubujjhantīti bojjhaṅgā paṭibujjhantīti bojjhaṅgā sambujjhantīti bojjhaṅgā bujjhanaṭṭhena bojjhaṅgā anubujjhanaṭṭhena bojjhaṅgā paṭibujjhanaṭṭhena bojjhaṅgā sambujjhanaṭṭhena bojjhaṅgā bodhentīti bojjhaṅgā anubodhentīti bojjhaṅgā paṭibodhentīti bojjhaṅgā sambodhentīti bojjhaṅgā bodhanaṭṭhena bojjhaṅgā anubodhanaṭṭhena bojjhaṅgā paṭibodhanaṭṭhena bojjhaṅgā sambodhanaṭṭhena bojjhaṅgā bodhipakkhiyaṭṭhena bojjhaṅgā anubodhipakkhiyaṭṭhena bojjhaṅgā paṭibodhipakkhiyaṭṭhena bojjhaṅgā sambodhipakkhiyaṭṭhena bojjhaṅgā buddhipaṭilābhaṭṭhena bojjhaṅgā buddhiropanaṭṭhena bojjhaṅgā buddhiabhiropanaṭṭhena bojjhaṅgā buddhipāpanaṭṭhena 2- bojjhaṅgā buddhisampāpanaṭṭhena 3- bojjhaṅgā.