๙. โพธิสิญจกเถราปทาน (๘๙)

TIPITAKA Volume 32 : PALI ROMAN Sutta Pitaka Vol 24 : Sutta. Khu. Apa(1) Navamaṃ bodhisiñcakattherāpadānaṃ (89)

[91] |91.46| Vipassissa bhagavato mahābodhimaho ahu pabbajjūpagato santo upagañchimahaṃ tadā. |91.47| Kusumbhodakamādāya 1- bodhiyā okiriṃ ahaṃ mocayissati no mutto nibbāpessati nibbuto. |91.48| Ekanavute ito kappe yaṃ bodhiṃ abhisiñcahaṃ duggatiṃ nābhijānāmi bodhisiñcassidaṃ 2- phalaṃ. @Footnote: 1 Ma. kusumodakamādāya. 2 Ma. bodhisiñcāyidaṃ phalaṃ. |91.49| Tettiṃse vattamānamhi kappe āsuṃ janādhipā udakāsecanā nāma aṭṭhete cakkavattino. |91.50| Paṭisambhidā catasso vimokkhāpica aṭṭhime chaḷabhiññā sacchikatā kataṃ buddhassa sāsananti. Itthaṃ sudaṃ āyasmā bodhisiñcako thero imā gāthāyo abhāsitthāti. Bodhisiñcakattherassa apadānaṃ samattaṃ.