๔. สูจิทายกเถราปทานที่ ๔ (๙๔)

TIPITAKA Volume 32 : PALI ROMAN Sutta Pitaka Vol 24 : Sutta. Khu. Apa(1) Catutthaṃ sūcidāyakattherāpadānaṃ (94)

[96] |96.19| Kammārohaṃ pure āsiṃ bandhumāyaṃ puruttame sūcidānaṃ mayā dinnaṃ vipassissa mahesino. |96.20| Vajiraggasamaññāṇaṃ hoti kammena tādisaṃ virāgomhi vimuttomhi pattomhi āsavakkhayaṃ. |96.21| Atītā 1- ca bhavā sabbe vattamānā ca anāgatā ñāṇena viciniṃ sabbaṃ sūcidānassidaṃ phalaṃ. |96.22| Ekanavute ito kappe sattāsuṃ vajirāsamā sattaratanasampannā cakkavattī mahabbalā. |96.23| Paṭisambhidā catasso vimokkhāpica aṭṭhime chaḷabhiññā sacchikatā kataṃ buddhassa sāsananti. Itthaṃ sudaṃ āyasmā sūcidāyako thero imā gāthāyo abhāsitthāti. Sūcidāyakattherassa apadānaṃ samattaṃ. @Footnote: 1 Ma. Yu. atīte ca bhave sabbe vattamāne ca anāgate.