๔. ปทปูชกเถราปทาน (๑๐๔)

|106.19| Siddhatthassa bhagavato jātipupphamadāsihaṃ pādesu satta pupphāni hāsenokiritāni 3- me. @Footnote: 1 Ma. pupphadānassidaṃ phalaṃ. 2 Ma. najjasamasanāmakā. 3 Yu. hāsenokāritāni. |106.20| Tena kammenahaṃ ajja abhibhomi narāmare dhāremi antimaṃ dehaṃ sammāsambuddhasāsane. |106.21| Catunavute ito kappe yaṃ pupphamabhiropayiṃ duggatiṃ nābhijānāmi pupphapūjāyidaṃ phalaṃ. |106.22| Samantagandhanāmāsuṃ terasa cakkavattino ito pañcamake kappe cāturantā gaṇādhipā. |106.23| Paṭisambhidā catasso vimokkhāpica aṭṭhime chaḷabhiññā sacchikatā kataṃ buddhassa sāsananti. Itthaṃ sudaṃ āyasmā padapūjako thero imā gāthāyo abhāsitthāti. Padapūjakattherassa apadānaṃ samattaṃ.