๑. จิตกปูชกเถราปทาน (๒๙๑)

๓๐. จิตกปูชกวคฺควณฺณนา

๒๙๓. ๑. จิตกปูชกตฺเถราปทานวณฺณนา

[๑-๒] ตึสติเม วคฺเค ปฐมาปทาเน อาหุตึ ยิฏฺฐุกาโมหนฺติ ปูชาสกฺการํ กาเรตุกาโม อหํ. นานาปุปฺผํ สมานยินฺติ นานา อเนกวิธํ จมฺปกสลลาทิปุปฺผํ สํ สุฏฺฐุ อานยึ, ราสึ อกาสินฺติ อตฺโถ. สิขิโน โลกพนฺธุโนติ สกลโลกตฺตยพนฺธุสฺส ญาตกสฺส สิขิสฺส ภควโต ปรินิพฺพุตสฺส จิตกํ อาฬาหนจิตกํ ทารุราสึ ชลนฺตํ อาทิตฺตํ ทิสฺวา ตญฺจ มยา ราสีกตํ ปุปฺผํ โอกิรึ ปูเชสินฺติ อตฺโถ.