๔. ธรรมสัญญกเถราปทาน (๓๐๔)

|๓๐๖.๑๓| วิปสฺสิโน ภควโต มหาโพธิมโห อหุ รุกฺขฏฺฐสฺเสว สมฺพุทฺโธ โลกเชฏฺโฐ นราสโภ ฯ |๓๐๖.๑๔| ภควา ตมฺหิ สมเย ภิกฺขุสงฺฆปุรกฺขโต จตุสจฺจํ ปกาเสติ วาจาสภิมุทีรยํ ฯ |๓๐๖.๑๕| สงฺขิตฺเตน จ เทเสนฺโต วิตฺถาเรน จ เทสยิ ๓- วิวฏจฺฉโท สมฺพุทฺโธ นิพฺพาเปสิ มหาชนํ ฯ |๓๐๖.๑๖| ตสฺสาหํ ธมฺมํ สุตฺวาน โลกเชฏฺฐสฺส ตาทิโน วนฺทิตฺวา สตฺถุโน ปาเท ปกฺกามิ ๔- อุตฺตรามุโข ฯ @เชิงอรรถ: ๑ โป. ยุ. อติเนสึ ฯ ๒ โป. ยุ. อติเนตฺวา ฯ ๓ ม. ยุ. เทสยํ ฯ @ ๔ ม. ยุ. ปกฺกามึ ฯ |๓๐๖.๑๗| เอกนวุเต อิโต กปฺเป ยํ ธมฺมมสุณึ ตทา ทุคฺคตึ นาภิชานามิ ธมฺมสฺสวนสฺสิทํ ๑- ผลํ ฯ |๓๐๖.๑๘| เตตฺตึสมฺหิ อิโต กปฺเป เอโก อาสิ ๒- มหีปติ สุตวา นาม นาเมน จกฺกวตฺติ มหพฺพโล ฯ |๓๐๖.๑๙| ปฏิสมฺภิทา จตสฺโส วิโมกฺขาปิจ อฏฺฐิเม ฉฬภิญฺญา สจฺฉิกตา กตํ พุทฺธสฺส สาสนนฺติ ฯ อิตฺถํ สุทํ อายสฺมา ธมฺมสญฺญโก เถโร อิมา คาถาโย อภาสิตฺถาติ ฯ ธมฺมสญฺญกตฺเถรสฺส อปทานํ สมตฺตํ ฯ