๙. พุทธสัญญิกเถราปทาน (๓๐๙)

TIPITAKA Volume 32 : PALI ROMAN Sutta Pitaka Vol 24 : Sutta. Khu. Apa(1) Navamaṃ buddhasaññikattherāpadānaṃ (309)

[311] |311.43| Udentaṃ sataraṃsīva pītaraṃsīva bhāṇumaṃ vanantaragataṃ santaṃ lokajeṭṭhaṃ narāsabhaṃ. |311.44| Addasaṃ supinantena siddhatthaṃ lokanāyakaṃ tattha cittaṃ pasādetvā sugatiṃ upapajjahaṃ. |311.45| Catunavute ito kappe yaṃ saññamalabhiṃ tadā duggatiṃ nābhijānāmi buddhasaññāyidaṃ phalaṃ. |311.46| Paṭisambhidā catasso vimokkhāpica aṭṭhime chaḷabhiññā sacchikatā kataṃ buddhassa sāsananti. Itthaṃ sudaṃ āyasmā buddhasaññiko thero imā gāthāyo abhāsitthāti. Buddhasaññikattherassa apadānaṃ samattaṃ.