๕. ปุปผาสนทายกเถราปทาน (๓๑๕)

TIPITAKA Volume 32 : PALI ROMAN Sutta Pitaka Vol 24 : Sutta. Khu. Apa(1) Pañcamaṃ pupphāsanadāyakattherāpadānaṃ (315)

[317] |317.20| Suvaṇṇavaṇṇaṃ sambuddhaṃ sataraṃsīva 1- bhāṇumaṃ avidūrena gacchantaṃ siddhatthaṃ aparājitaṃ. |317.21| Tassa paccuggamitvāna pavesetvāna assamaṃ pupphāsanaṃ mayā dinnaṃ vippasannena cetasā. |317.22| Añjaliṃ paggahetvāna vedajāto tadā ahaṃ buddhe cittaṃ pasādetvā kammantaṃ pariṇāmayiṃ. |317.23| Yaṃ me atthi kataṃ puññaṃ sayambhuṃ 2- aparājitaṃ sabbena tena kusalena vimalo homi sāsane. |317.24| Catunavute ito kappe pupphāsanamadaṃ tadā duggatiṃ nābhijānāmi pupphāsanassidaṃ phalaṃ. |317.25| Paṭisambhidā catasso vimokkhāpica aṭṭhime chaḷabhiññā sacchikatā kataṃ buddhassa sāsananti. Itthaṃ sudaṃ āyasmā pupphāsanadāyako thero imā gāthāyo abhāsitthāti. Pupphāsanadāyakattherassa apadānaṃ samattaṃ.