๙. เอกัญชลิกเถราปทาน (๒๙)

TIPITAKA Volume 32 : PALI ROMAN Sutta Pitaka Vol 24 : Sutta. Khu. Apa(1) Navamaṃ ekañjalikattherāpadānaṃ (29)

[31] |31.182| Suvaṇṇavaṇṇaṃ sambuddhaṃ gacchantaṃ antarāpaṇe vipassiṃ satthavāhaggaṃ naravīraṃ vināyakaṃ. |31.183| Adantadamanaṃ tādiṃ mahāvādiṃ mahāmatiṃ disvā pasanno sumano ekañjaliṃ akāsahaṃ. |31.184| Ekanavute ito kappe yaṃ añjalimakariṃ tadā duggatiṃ nābhijānāmi añjalissa idaṃ phalaṃ. |31.185| Paṭisambhidā catasso vimokkhāpica aṭṭhime chaḷabhiññā sacchikatā kataṃ buddhassa sāsananti. Itthaṃ sudaṃ āyasmā ekañjaliko thero imā gāthāyo abhāsitthāti. Ekañjalikattherassa apadānaṃ samattaṃ.