๓. ธชทายกเถราปทาน (๓๔๓)

TIPITAKA Volume 32 : PALI ROMAN Sutta Pitaka Vol 24 : Sutta. Khu. Apa(1) Tatiyaṃ dhajadāyakattherāpadānaṃ (343)

[345] |345.20| Tisso nāma ahu satthā lokajeṭṭho narāsabho tayopadhikkhaye 1- disvā dhajaṃ āropitaṃ mayā. |345.21| Tena kammena sukatena cetanāpaṇidhīhi ca jahitvā mānusaṃ dehaṃ tāvatiṃsaṃ agacchahaṃ. |345.22| Satānaṃ tīṇikkhattuñca devarajjamakārayiṃ satānaṃ pañcakkhattuñca cakkavatti ahosahaṃ. @Footnote: 1 Yu. parikkhayo. |345.23| Padesarajjaṃ vipulaṃ gaṇanāto asaṅkhayaṃ anubhomi sakaṃ kammaṃ pubbe sukatamattano. |345.24| Dvenavute ito kappe yaṃ kammamakariṃ tadā duggatiṃ nābhijānāmi dhajadānassidaṃ phalaṃ. |345.25| Icchamāno cahaṃ ajja sakānanaṃ sapabbataṃ khomadussena chādeyyaṃ tadā mayhaṃ kate phalaṃ. |345.26| Paṭisambhidā catasso vimokkhāpica aṭṭhime chaḷabhiññā sacchikatā kataṃ buddhassa sāsananti. Itthaṃ sudaṃ āyasmā dhajadāyako thero imā gāthāyo abhāsitthāti. Dhajadāyakattherassa apadānaṃ samattaṃ.