๓. กิงสุกปูชกเถราปทาน (๓๕๓)

[๓๕๕] |๓๕๕.๑๑| กึสุกํ ปุปฺผิตํ ทิสฺวา ปคฺคเหตฺวาน อญฺชลึ พุทฺธํ สริตฺวา สิทฺธตฺถํ อากาเส อภิปูชยึ ฯ |๓๕๕.๑๒| จตุนวุเต อิโต กปฺเป ยํ ปุปฺผมภิปูชยึ ทุคฺคตึ นาภิชานามิ พุทฺธปูชายิทํ ผลํ ฯ |๓๕๕.๑๓| ปฏิสมฺภิทา จตสฺโส วิโมกฺขาปิจ อฏฺฐิเม ฉฬภิญฺญา สจฺฉิกตา กตํ พุทฺธสฺส สาสนนฺติ ฯ อิตฺถํ สุทํ อายสฺมา กึสุกปูชโก เถโร อิมา คาถาโย อภาสิตฺถาติ ฯ กึสุกปูชกตฺเถรสฺส อปทานํ สมตฺตํ ฯ