๔. สโกฏกโกรัณฑทายกเถราปทาน (๓๕๔)

TIPITAKA Volume 32 : PALI ROMAN Sutta Pitaka Vol 24 : Sutta. Khu. Apa(1) Catutthaṃ sakoṭakakoraṇḍadāyakattherāpadānaṃ (354)

[356] |356.14| Akkantañca padaṃ disvā sikhino lokabandhuno ekaṃsaṃ ajinaṃ katvā padaṃ 1- seṭṭhaṃ avandahaṃ. |356.15| Koraṇḍaṃ pupphitaṃ disvā pādapaṃ dharaṇīruhaṃ sakoṭakaṃ 2- gahetvāna pade cakkaṃ apūjayiṃ. |356.16| Ekattiṃse ito kappe yaṃ kammamakariṃ tadā duggatiṃ nābhijānāmi buddhapūjāyidaṃ phalaṃ |356.17| paṭisambhidā catasso vimokkhāpica aṭṭhime chaḷabhiññā sacchikatā kataṃ buddhassa sāsananti. Itthaṃ sudaṃ āyasmā sakoṭakakoraṇḍadāyako thero imā gāthāyo abhāsitthāti. Sakoṭakakoraṇḍadāyakattherassa apadānaṃ samattaṃ.