๔. เกสรปุปผิยเถราปทาน (๓๖๔)

TIPITAKA Volume 32 : PALI ROMAN Sutta Pitaka Vol 24 : Sutta. Khu. Apa(1) Catutthaṃ kesarapupphiyattherāpadānaṃ (364)

[366] |366.12| Vijjādharo tadā āsiṃ himavantamhi pabbate addasaṃ virajaṃ buddhaṃ caṅkamantaṃ mahāyasaṃ. |366.13| Tīṇi kesarapupphāni sīse katvānahaṃ tadā upasaṅkamma sambuddhaṃ vessabhuṃ abhipūjayiṃ. |366.14| Ekattiṃse ito kappe yaṃ kammamakariṃ tadā duggatiṃ nābhijānāmi buddhapūjāyidaṃ phalaṃ. |366.15| Paṭisambhidā catasso vimokkhāpica aṭṭhime chaḷabhiññā sacchikatā kataṃ buddhassa sāsananti. Itthaṃ sudaṃ āyasmā kesarapupphiyo thero imā gāthāyo abhāsitthāti. Kesarapupphiyattherassa apadānaṃ samattaṃ.