๑๐. กาสุมาริผลทายกเถราปทาน (๓๘๐)

TIPITAKA Volume 32 : PALI ROMAN Sutta Pitaka Vol 24 : Sutta. Khu. Apa(1) Dasamaṃ kāsumāriphaladāyakattherāpadānaṃ (380)

[382] |382.53| Kaṇikāraṃva jotantaṃ nisinnaṃ pabbatantare addasaṃ virajaṃ buddhaṃ lokajeṭṭhaṃ narāsabhaṃ. |382.54| Pasannacitto sumano sire katvāna añjaliṃ kāsumāriphalaṃ gayha buddhaseṭṭhassadāsahaṃ. |382.55| Ekattiṃse ito kappe yaṃ phalaṃ adadiṃ tadā 1- duggatiṃ nābhijānāmi phaladānassidaṃ phalaṃ. |382.56| Svāgataṃ vata me āsi mama buddhassa santike tisso vijjā anuppattā kataṃ buddhassa sāsanaṃ. |382.57| Kilesā jhāpitā mayhaṃ bhavā sabbe samūhatā nāgova bandhanaṃ chetvā viharāmi anāsavo. |382.58| Paṭisambhidā catasso vimokkhāpica aṭṭhime chaḷabhiññā sacchikatā kataṃ buddhassa sāsananti. Itthaṃ sudaṃ āyasmā kāsumāriphaladāyako thero imā gāthāyo abhāsitthāti. Kāsumāriphaladāyakattherassa apadānaṃ samattaṃ. Uddānaṃ bodhipāṭaliuppali patti ca sattapaṇṇiyo @Footnote: 1 Ma. Yu. ahaṃ. Gandhamuṭṭhī ca citako tālaṃ sumanadāmako kāsumāriphalīpica gāthā ekūnasaṭṭhiyo. Bodhivandanavaggo aṭṭhattiṃso. ----------