๑. วิธูปนทายกเถราปทาน (๕๑)

[๕๓] |๕๓.๑| ปทุมุตฺตรพุทฺธสฺส โลกเชฏฺฐสฺส ตาทิโน วีชเนกา ๒- มยา ทินฺนา ทิปทินฺทสฺส ตาทิโน ฯ |๕๓.๒| สกํ จิตฺตํ ปสาเทตฺวา ปคฺคเหตฺวาน อญฺชลึ สมฺพุทฺธํ อภิวาทิตฺวา ปกฺกามิ ๓- อุตฺตรามุโข ฯ @เชิงอรรถ: ๑ ม. คาถาสตํ สตาฬีสํ ฯ ๒ ม. พีชนิกา ฯ ยุ. วิชนิกา ฯ ๓ ม. ยุ. ปกฺกามึ ฯ |๕๓.๓| วีชนึ ปคฺคเหตฺวาน สตฺถา โลกคฺคนายโก ภิกฺขุสงฺเฆ ฐิโต สนฺโต อิมา คาถา อภาสถ ฯ |๕๓.๔| อิมินา วีชนิทาเนน จิตฺตสฺส ปณิธีหิ จ กปฺปานํ สตสหสฺสํ วินิปาตํ น คจฺฉติ ฯ |๕๓.๕| อารทฺธวิริโย ปหิตตฺโต เจโตคุณสมาหิโต ชาติยา สตฺตวสฺโสหํ อรหตฺตํ อปาปุณึ ฯ |๕๓.๖| สฏฺฐิกปฺปสหสฺสมฺหิ พิชฺชมานสนามกา โสฬสาสึสุ ราชาโน จกฺกวตฺตี มหพฺพลา ฯ |๕๓.๗| ปฏิสมฺภิทา จตสฺโส วิโมกฺขาปิจ อฏฺฐิเม ฉฬภิญฺญา สจฺฉิกตา กตํ พุทฺธสฺส สาสนนฺติ ฯ อิตฺถํ สุทํ อายสฺมา วิธูปนทายโก เถโร อิมา คาถาโย อภาสิตฺถาติ ฯ วิธูปนทายกตฺเถรสฺส อปทานํ สมตฺตํ ฯ ---------