๓. มัณฑปทายิกาเถริยาปทาน

[๑๔๓] |๑๔๓.๒๖| โกนาคมนพุทฺธสฺส มณฺฑโป การิโต มยา ถูปญฺจ ๑- ปวรมทํ พุทฺธสฺส โลกพนฺธุโน ฯ |๑๔๓.๒๗| ยํ ยํ ชนปทํ ยามิ นิคเม ราชธานิโย สพฺพตฺถ ปูชิตา โหมิ ปุญฺญกมฺมสฺสิทํ ผลํ ฯ |๑๔๓.๒๘| กิเลสา ฌาปิตา มยฺหํ ภวา สพฺเพ สมูหตา นาคีว พนฺธนํ เฉตฺวา วิหรามิ อนาสวา ฯ |๑๔๓.๒๙| สฺวาคตํ วต เม อาสิ มม พุทฺธสฺส สนฺติเก ติสฺโส วิชฺชา อนุปฺปตฺตา กตํ พุทฺธสฺส สาสนํ ฯ |๑๔๓.๓๐| ปฏิสมฺภิทา จตสฺโส วิโมกฺขาปิจ อฏฺฐิเม ฉฬภิญฺญา สจฺฉิกตา กตํ พุทฺธสฺส สาสนนฺติ ฯ อิตฺถํ สุทํ มณฺฑปทายิกา ภิกฺขุนี อิมา คาถาโย อภาสิตฺถาติ ฯ มณฺฑปทายิกาเถริยา อปทานํ สมตฺตํ ฯ