๖. เนมิราชจริยา

|๖.๔๑| ปุนาปรํ ยทา โหมิ มิถิลายํ ปุรุตฺตเม เนมิ นาม มหาราชา ปณฺฑิโต กุสลตฺถิโก ฯ |๖.๔๒| ตทาหํ มาปยิตฺวาน จตุสาลํ จตุมฺมุขํ ตตฺถ ทานํ ปวตฺเตสึ มิคปกฺขินราทินํ ๑- ฯ |๖.๔๓| อจฺฉาทนํ สยนญฺจ อนฺนํ ปานญฺจ โภชนํ อพฺโพจฺฉินฺนํ กริตฺวาน มหาทานํ ปวตฺตยึ ฯ |๖.๔๔| ยถาปิ เสวโก สามึ ธนเหตุมุปาคโต กาเยน วาจามนสา อาราธนียเมสติ ฯ |๖.๔๕| ตเถวาหํ สพฺพภเว ปริเยสิสฺสามิ โพธิชํ ทาเนน สตฺเต ตปฺเปตฺวา อิจฺฉามิ โพธิมุตฺตมนฺติ ฯ เนมิราชจริยํ ฉฏฺฐํ ฯ