๖. อวฏผลิยเถราปทาน

TIPITAKA Volume 33 : PALI ROMAN Sutta Pitaka Vol 25 : Sutta. Khu. Apa(2) Buddhavaṃso Cariyāpiṭakaṃ Chaṭṭhaṃ avaṭaphaliyattherāpadānaṃ (466)

[56] |56.26| Sataraṃsī nāma bhagavā sayambhū aparājito vivekakāmo sambuddho gocarāyābhinikkhami. |56.27| Phalahattho ahaṃ disvā upagañchiṃ narāsabhaṃ pasannacitto sumano adāsiṃ avaṭaṃ phalaṃ. |56.28| Catunavute ito kappe yaṃ phalaṃ adadiṃ tadā duggatiṃ nābhijānāmi phaladānassidaṃ phalaṃ. |56.29| Kilesā jhāpitā mayhaṃ bhavā sabbe samūhatā nāgova bandhanaṃ chetvā viharāmi anāsavo. |56.30| Svāgataṃ vata me āsi mama buddhassa santike tisso vijjā anuppattā kataṃ buddhassa sāsanaṃ. |56.31| Paṭisambhidā catasso vimokkhāpica aṭṭhime chaḷabhiññā sacchikatā kataṃ buddhassa sāsananti. Itthaṃ sudaṃ āyasmā avaṭaphaliyo thero imā gāthāyo abhāsitthāti. Avaṭaphaliyattherassa apadānaṃ samattaṃ.