๖. กุสัฏฐกทายกเถราปทาน

TIPITAKA Volume 33 : PALI ROMAN Sutta Pitaka Vol 25 : Sutta. Khu. Apa(2) Buddhavaṃso Cariyāpiṭakaṃ Chaṭṭhaṃ kusaṭṭhakadāyakattherāpadānaṃ (476)

[66] |66.56| Kassapassa bhagavato brāhmaṇassa vusīmato pasannacitto sumano kusaṭṭhakamadāsahaṃ. |66.57| Imasmiṃyeva kappasmiṃ kusaṭṭhakamadāsahaṃ duggatiṃ nābhijānāmi kusaṭṭhakassidaṃ phalaṃ. |66.58| Kilesā jhāpitā mayhaṃ bhavā sabbe samūhatā nāgova bandhanaṃ chetvā viharāmi anāsavo. |66.59| Svāgataṃ vata me āsi mama buddhassa santike tisso vijjā anuppattā kataṃ buddhassa sāsanaṃ. |66.60| Paṭisambhidā catasso vimokkhāpica aṭṭhime chaḷabhiññā sacchikatā kataṃ buddhassa sāsananti. Itthaṃ sudaṃ āyasmā kusaṭṭhakadāyako thero imā gāthāyo abhāsitthāti. Kusaṭṭhakadāyakattherassa apadānaṃ samattaṃ.