Yadā pana sumano lokanāyako sunandavatīnagare ambarukkhamūle titthiyamadamānamaddanaṃ yamakapāṭihāriyaṃ katvā sattānaṃ koṭisahassaṃ dhammāmataṃ pāyesi. Ayaṃ dutiyo abhisamayo ahosi. Tena vuttaṃ:-

[8] "yamhi kāle mahāvīro ovadī titthiye gaṇe

koṭisatasahassāni dutiye dhammadesane"ti.

Tattha titthiye gaṇeti titthiyabhūte gaṇe, titthiyānaṃ gaṇe vā "titthiye abhimaddanto, buddho dhammamadesayī"ti paṭhanti keci.